गत कात्तिक २१ गते पोखराको रिडर्स कर्नरमा समावेशी मासिक धर्म हेरचाह र कल्याण कार्यक्रम कर्मफ्लाइट्स फाउन्डेशन नेपालको बोर्ड भेलामा प्रस्तुत गरिएको थियो ।
I AM WOMAN Project (अष्ट्रेलिया) र कर्मफ्लाइट्स फाउन्डेसन नेपालको साझेदारीमा ला ट्रोब विश्वविद्यालय र न्यूक्यासल विश्वविद्यालयका विद्यार्थी र MHM अफिसरले जारी अनुसन्धान र क्षेत्रीय अनुभवहरू प्रस्तुत गरेका थिए ।
I AM WOMAN Project (अष्ट्रेलिया) कार्यक्रम निर्देशक एनीले अनुसन्धानकर्ताहरूको कामदेखि आफु प्रभावित भएको बताएका थिए । उनले भनिन्- “हाम्रा विद्यार्थीहरूको सफलता मनाउन पाउनु र निर्देशक क्रिस टाउनसेन्ड (आई एम वुमन प्रोजेक्ट), र कर्माफ्लाइट्स फाउन्डेसनको मार्गदर्शनमा उनीहरूको अनुसन्धान परियोजनाहरू प्रदर्शन गर्न पाउनु सम्मानको कुरा हो।”
कार्यक्रममा अनुसन्धानकर्ता विद्यार्थीद्वय मोली गोर्डन र एलिजा शिल्ड्सले समुदायद्वारा संचालित महिनावारी स्वास्थ्य पहल र कल्याण अभ्यासहरू हाइलाइट गर्दै शक्तिशाली प्रस्तुतीकरणहरू दिए ।डा. डमरु प्रसाद पनेरु (पोखरा विश्वविद्यालय), प्राध्यापक डा भावना पोखरेल (पीएन क्याम्पस-टीयू), कल्पना जानवाली (नेपाल रेडक्रस सोसाइटी, कास्की), बिना सिलवाल (कोपिला नेपाल), र अष्ट्रेलिया, नेदरल्यान्ड्स र युक्रेनका अन्तर्राष्ट्रिय सहभागीहरूको उपस्थिति रहेको थियो ।
कार्यक्रम कर्मफ्लाइट्सका स्वास्थ्य विभाग प्रमुख कृष्ण पाण्डेको सभापतिपत्व र कार्यक्रम निर्देशक प्रेम बहादुर कुँवरको सञ्चालनमा सम्पन्न भएको थियो ।
